Kondisyon itilizasyon

1. Kiyès nou ye

Datamio se yon platfòm ki peye moun pou ti travay sou lang kreyòl (anrejistre vwa, ekri sa yo tande, korije tèks) pou fòme entèlijans atifisyèl (AI). Se Jean Sauvenel Beaudry ki reprezante Datamio (adrès: El Cacique, Sendomeng, Repiblik Dominikèn).

Lè w sèvi ak aplikasyon an, ou aksepte kondisyon sa yo. Travay ou fè yo swiv kontra prestasyon sèvis ou siyen an; si gen yon diferans, se kontra a ki konte.

2. Kiyès ki ka sèvi ak Datamio

• Ou dwe gen omwen 18 an.
• Ou dwe gen yon nimewo telefòn Ayiti (+509), Dominikani (+1 809, +1 829) oswa Etazini (+1) ki resevwa WhatsApp oswa SMS.
• Yon sèl kont pou chak moun.

3. Kont ou

Ou konekte ak yon kòd nou voye sou WhatsApp oswa pa SMS. Pa janm bay lòt moun kòd sa a. Ou responsab sa ki fèt sou kont ou. Si w pèdi telefòn ou, kontakte nou pou nou bloke kont lan.

4. Travay yo

• Ou chwazi travay ou vle fè, lè w vle. Nou pa garanti ap toujou gen travay, epi ka gen yon limit travay pa jou.
• Aplikasyon an ka tcheke yon travay otomatikman anvan li pati (Oswald, yon AI ki koute anrejistreman yo, ak yon mezi bri ak vitès sou telefòn ou), epi mande w refè l.
• Apre sa, yon validatè oswa ekip Datamio verifye travay la. Se sèlman travay ki aksepte ki peye.

5. Sa ki entèdi

• Anrejistre vwa yon lòt moun, oswa sèvi ak yon vwa machin oswa yon anrejistreman ki te fèt deja.
• Kopye tèks nan yon zouti otomatik olye w ekri sa w tande.
• Gen plis pase yon kont, oswa sèvi ak kont yon lòt moun.
• Eseye twonpe tcheke otomatik yo oswa validatè yo.
• Anrejistre yon moun san li pa dakò, oswa mete kontni ofansan.
• Atake, ralanti oswa eseye antre nan pati entèdi platfòm nan.

6. Kòb ou

• Pri chak travay parèt anvan ou fè l. Pri ki parèt lè w voye travay la se li ki konte. Pri yo ka chanje pou travay pwochen yo.
• Kòb yon travay antre nan balans ou lè travay la aksepte.
• Ou ka retire kòb depi ou rive nan minimòm aplikasyon an montre a. Nou peye sou MonCash sèlman, sou yon kont nou te verifye (nimewo, non ak kòd QR).
• Nou trete chak retrè nan 14 jou pou pi plis, anjeneral nan 48 è.

7. Sispansyon

Si gen fwod, nou ka anile validasyon travay yo, retire kòb yo nan balans lan epi bloke kont lan. Travay ki valide san fwod rete pou peye. Ou menm tou, ou ka kanpe nenpòt lè epi mande pou n efase kont ou nan paj « Mwen ».

8. Sèvis la

Nou fè efò pou aplikasyon an mache byen, men li ka gen pàn oswa chanjman. Nou pa responsab pou pwoblèm ki soti nan rezo entènèt, telefòn ou oswa MonCash. Nou rete oblije peye travay ki deja valide.

9. Pwopriyete

Aplikasyon an, non Datamio, logo a ak zouti yo se pou Datamio. Sa w pwodui nan travay yo swiv atik 6 kontra a: li tounen pou Datamio lè l valide.

10. Lwa

Se lwa Repiblik Ayiti ki aplike. Si gen yon diskisyon, se tribinal ayisyen ki gen konpetans yo ki va jije l.

11. Chanjman

Nou ka chanje kondisyon sa yo. N ap mete dat chanjman an anlè paj la, epi si se yon gwo chanjman n ap avèti w nan aplikasyon an.